حوزہ نیوز ایجنسی کی رپورٹ کے مطابق شہر مریوان کے اہل سنت امام جمعہ مولوی مصطفی شیرزادی نے آج اہل سنت کے علماء سے ملاقات کے دوران گفتگو کرتے ہوئے کہا: دنیا کرونا جیسے مہلک وائرس سے نبرد آزما ہے اور بشریت اور بالخصوص ہندوستان کے مسلمان بے شمار اور بڑے بڑے جرائم کا سامنا کر رہے ہیں۔
شہر مریوان کے امام جمعہ نے کہا: حکومت ہندوستان نے انسانی اصولوں کی دھجیاں اڑاتے ہوئے شدت پسنداور بے شعور ہندوؤں کو وحشیانہ بربریت کا گرین سگنل دے رکھا ہے اور ان دنوں مسلمانوں پر انتہائی وحشیانہ حملے ہورہے ہیں۔
اہل سنت کے اس عالم دین نے مزید کہا: افسوسناک امر یہ ہے کہ عالمی برادری نے اپنے مفادات کی پیش نظر مسلمانوں کی اس نسل کشی پر خاموشی اختیار کر رکھی ہے۔
انہوں نے انسانی حقوق کے جھوٹے دعویداروں کو خطاب کرکے کہا: آج ہندوستان کی سڑکوں پر مسلمانوں کا قتل عام ہورہا ہے لیکن ہندوستان کے حکام کے سکوت سے معلوم ہوتا ہے کہ یہ نسل کشی دنیائے اسلام کے خلاف عالمی بلند مدت پروگرام کا حصہ ہے۔
مولوی شیرزادی نے مسلمانوں کے اس قتل عام پر مسلم ممالک پر تنقید کرتے ہوئے کہا: پہلے مسلمانوں کے سکوت نے اسرائیل کو جرات دی کہ وہ فلسطینیوں کے ساتھ یہ سلوک روا رکھے اور اب بھی اسلامی ممالک کے سربراہان کے سکوت نے مسلمانوں کی نسل کشی کی راہ ہموار کی ہے۔
